Thursday, June 25, 2009

من مذكرات بنات مفروسة


عايزة أخرج.. ليه؟!!.. مش محتاجة عذر.. أنا مش سجينة و مش محتاجة تصريح خروج من حد!! أنا مش ملك حد.. أنا حرة نفسي.. أنا مش عار أو عورة

عايزة أعيش.. أشم الهوا.. أتمشي في الشوارع.. أعمل اللي يخطر في بالي.. أنا حرة

فين كرامتي لما أخويا الصغير يتدخل أنا رايحة فين و جاية منين؟!! و هو مقضيها!! فين الإحترام لما أهلي يدعبسوا ورايا عشان يعرفوا كل تحركاتي؟!!هليه مخرجش كل يوم؟!!هليه أكدب و أقول رايحة درس ولا محاضرة أو أخبي لو الخروجة فيها ولاد حتي لو كانوا أصحابي؟!!هلحد امتي هنعيش في قصة سندريلا اللي لازم ترجع قبل الساعة 12 (أو 8) و متتأخرش كتير بره البيت؟!!

ولا أوبااا.. مين اللي كنتي واقفة معاه ده يا... (قد تحتوي هذه النقاط علي أسم السجينة أو علي ألفاظ نابية حسب مستوي الأهل) ,ها؟؟ بتعملي أيه علي النت؟؟ مفيش نت بعد الساعة 12 (معرفش ايه حكاية الساعة 12 دي) !!

خايفين علينا؟!! أحا (إختصار أحتج).. ما احنا برضوا بنخاف عليكوا ,و أكيد لما نخلف هنخاف علي ولادنا و بناتنا (الإتنين) ,و أكيد كل حد بيخاف علي الناس اللي بيحبهم ,لكن مش معني ده انه يحرمهم من ممارسة حياتهم.. لما تقلقوا أبقوا كلمونا علي التليفون (بس مش كل دقيقة و نص ,و مش لازم تسمعوا كوستاريكا أو تتصلوا بكل معارفنا واحد واحد كأنكوا بتحققوا في حادثة الطيارة اللي وقعت)!!

التحرشات.. التصرفات دي اللي بتشجعهم و تثبت وضع زبالة زي ده.. لازم نغير الخطأ و نواجهه مش نزود الطين بلة!!همفيش قانون في الدنيا يعاقب المجني عليه و لا يلوم حتي الجاني!! مفيش عدل في الدنيا يقيد حرية الناس إلي حد السجن (و ما أدراكم ما السجن) لإحتمال تعرضهم لتحرشات!!هعلمونا الدفاع عن النفس.. لماذا تلومون البنت إذا حاولت الدفاع عن نفسها؟!! تريدونها ضعيفة حتي تستطيعون السيطرة عليها!!.. إنها منظومة واحدة في البيت (بيت الأهل ثم الزوج) و الشارع تعمل علي قمع الفتيات و إصابتهم بالعقد النفسية!!

أشعر أن الأرض تهتز (تعبير مجازي) عندما تلام فتاة علي تعرضها للتحرش أو الإغتصاب.. و هي لها حق و ليس عليها ذنب!! الأنثي إنسانة لديها الكثير لتنجزه في حياتها و لديها مشاعر يجب إحترامها و ليست كيس صابون عشان تبقي ضاعت للأبد لو تعرضت للإغتصاب أو حتي لو أحبت!!

يقولون أن من لا ترتدي الملابس التي يرونها "محتشمة" (اللي هتوصل بعد كده للخرسانة المسلحة كأن اللي تحت الهدوم دي مش إنسانة) تستاهل اللي يجرالها.. لو قالعين ملط محدش ليه حق يعتدي علينا.. احنا مش أجساد متحركة ,احنا بشر.. احنا مش أقل من البلاد المتحضرة اللي الناس فيها بتحترم بعض و القوانين فيها بتحاسب الجناة!!

لا يرون في الأنثي إلا أداة لمتعتهم المريضة و ينشأوها (أو يهدموها) منذ الصغر علي هذا الأساس!!همين مننا متفتكرش و هي في مدرسة إبتدائي لسه حتي محستش بأنوثتها و لابسة المريلة و تيجي مدرسة متخلفة تقول لها طولي المريلة!! "علي النعمة" لو راجل ماشي في الشارع و كاتب لافتة "هنا أنثي" هتتحرش بيه قطعان الثيران الهائجة!!

أقوي بنت تنزل دموعها من الإحساس ده.. ما أصعب الإحساس بالقهر! كلنا بنعاني منه بنسب متفاوتة.. متستسلميش يا بنت بلدي..


Tuesday, June 09, 2009

اتهمت بالجنون


اتهمت بالجنون

عندما قلت أن للشمس رائحة

و فكرت مليا في صوت رائحة الشمس

سمعت الصوت من قيثارة حمراء

علي رف في مدرستي الإبتدائية

جلست وحدي أحاكي نغماتها الوردية

راقصتني النغمات علي مسرح الحياة

اتهمت بالجنون

عندما واجهت بنغماتي الرقيقة جدران اللاشئ

أسوار مرتفعة علي غير أساسات

تذكرني بالموت

أضحت للموت في وطني أقاصيص تفوق أقاصيص الحياة

عفوا أيتها الأقاصيص

عفوا أيها الإله

أنا لا أخشي الموت

عفوا يا ساكني قاهرتي

أخشي علي مدينتي أن ترتدي السواد

سبغتم العمائر و الوجوه بألوان الحداد

و رغم عويل الذئاب و رغم النحيب

مازالت العصافير تتلو أنشودة الحياة

و مازلت أسمعها

اتهمت بالجنون

عندما علمت أن الجنون ليس حكرا علي وحدي

تركت العشق يمرر أصابعه علي أوتار قلبي

نظراتكم لا تفزعني

لا يعنيكم أمر قلبي

أعرف أن الضوء يزعجكم

لا تستطيعون قتل الحياة

فتقتلون أنفسكم

عفوا

أنا لا أبالي بإتهامي

إن اتهمت بالجنون